Samsæriskenning Sollu

Athyglisvert er að lesa kenningu Ingibjargar Sólrúnar Gísladóttur, núverandi formanns Samfylkingarinnar, um auðlindamálið. Samkvæmt henni virðast stjórnarflokkarnir hafa ætlað frá upphafi að kenna stjórnarandstöðunni um lyktir auðlindamálsins.

En hvað veit hún um það? Var hún ekki úti á Kanaríeyjum eða einhversstaðar að sinna einkaerindum meðan þetta mál tröllreið þjóðinni? Hún virðist a.m.k. ekki hafa tekið eftir því að málið kom sjálfstæðismönnum í jafnvel enn opnari skjöldu en stjórnarandstöðunni þegar framsóknarmenn settu það í gang. Hún virðist ekki heldur hafa tekið eftir því frumkvæði, sem stjórnarandstaðan tók undir forystu Össurar Skarphéðinssonar, á öðrum blaðamannafundi og merkilegri í liðinni viku. Það kann að henta framsóknarmönnum að benda á sviptingarnar í afstöðu stjórnarandstæðinga til málsins, en ég þekki engan sem tekur því alvarlega. Nema kannski Ingibjörg Sólrún.

Menn þurfa ekki að vera mjög verseraðir í pólitík til þess að sjá að mál þetta ber öll höfuðeinkenni vanhugsunar, klúðurs og hentistefnu. Hefði maður þó haldið að hún væri öðrum stjórnmálamönnum kunnugri því öllu.

Segja stjórnarflokkana hafa ætlað að nota stjórnarandstöðu sem blóraböggul

Athugasemdir

[Átakshópur um heilbrigða skynsemi í pólitískri umræðu, 16.3.2007 kl. 14:55]

Þetta er ekki kenning um samsæri heldur einmitt ábending um það hvernig þeir Geir H. Haarde og Jón Sigurðsson ákváðu að reyna að koma sér út úr þeim vanda sem vanhugsun, klúður og hentistefna Framsóknar var að setja stjórnarsamstarfið í: Sjóða saman ákvæði sem skapaði í besta falli óþolandi réttaróvissu og í versta falli verra en ekkert.

Heldurðu í fúlustu alvöru að annar hvor þeirra hafi nokkurn tímann látið sér detta í hug að þetta færi í gegnum þingið? Þetta hefði ekki einu sinni farið í gegnum þingflokk Sjálfstæðisflokksins enda lagt fram í nafni tveggja þingmanna svo ekki þyrfti að reyna á það.

Skoðaðu bara upphlaup Framsóknarskríbenta í dag um "svik stjórnarandstöðu" til að fá orð Ingibjargar Sólrúnar staðfest. Sem betur fer áttuðu flestir Sjálfstæðismenn sig á því í miðjum leikþættinum að þjóðin hafnaði honum sem farsa og því staðfesta þeir nú flestir hverjir að það hafi ekki bara verið skortur á samstöðu meðal stjórnmálamanna heldur líka sérfræðinga, sem stöðvaði málið. Þeir hafa engu að tapa í þessu máli og þurfa því ekki að stilla stjórnarandstöðunni upp sem blóraböggli.

En greyið Framsóknarmennirnir halda áfram að fara með rulluna sína og það er svo sem öllum að meinalausu enda trúir þeim enginn.

[Kristján Pétursson, 16.3.2007 kl. 15:05]

Bendi á blokkið mitt í dag um kvótafangelsi Jón Sigurðssonar form.framsóknarfl.Þetta var frá upphafi einn blekkingavefur og síðasta hálmstrá Framsóknarfl.fokið út í veður og vind.

[Eyþór Laxdal Arnalds, 16.3.2007 kl. 16:07]

Svona er að vera í burtu. Ingibjörg var á Kanarí þegar stjórnarandstaðan var að krefjast þessa ákvæðis...og lét stjórnina plata sig ef marka má Ingibjörgu. . .

http://ea.blog.is/blog/ea/entry/139269/