Hægrimenn sniðgengnir í Silfrinu

Um daginn ákváðu nokkrir femínistar að sniðganga Silfur Egils vegna þess hvernig þeim þótti Egill Helgason velja sér viðmælendur. Þótti þeim hann á einhvern hátt ekki gera sjónarmiðum femínismans nægilega hátt undir höfði og nefndu jafnvel til lagaákvæði um skyldur Ríkisútvarpsins við að gæta hlutleysis og allt það.

Í Silfrinu áðan voru þau Guðfinna S. Bjarnadóttir, Kolbrún Halldórsdóttir, Jón Magnússon, Aðalsteinn Baldurson og Margrét Pála Ólafsdóttir að ræða málefni dagsins. Hvernig stendur á því að ekki var einn einasti viðmælandi þarna, hægra megin við miðju? Kosningaúrslit og skoðanakannanir benda til þess að hægrisinnuð viðhorf njóti nokkurrar útbreiðslu í þjóðfélaginu.

Það er helvíti hart fyrir hægrimann eins og mig að þurfa að þola það í eigin húsum, að finnast Jóni Magnússyni og Margréti Pálu mælast skynsamlegast fyrir um ástand og horfur í stjórnmálum.

Athugasemdir

[Friðrik Þór Guðmundsson, 2.12.2007 kl. 14:13]

Ha? Er Guðfinna búin að segja sig úr Sjálfstæðisflokknum? Eða er það virkilega svo að þú teljir hana vinstra megin við miðju, Andrés? Og sjálfan Jón Magnússon líka, sem ég hélt að væri töluvert hægra megin við miðju? Nú verður þú að hjálpa mér með flokkun á þessum tveimur einstaklingum. Mér sýndist raunar að þeir einu sem gætu kvartað yfir skorti á fulltrúa væru Framsóknarfólk og Samfylkingarfólk.

Aðallega leikur mér forvitni á að vita þetta með Guðfinnu, því það sætir tíðindum ef hún telst ekki hægra megin við miðju, sjálfur þingmaður Sjálfstæðisflokksins. Meinar þú að hún sé bara velferðarkrati eða eitthvað svoleiðis?

[Andrés Magnússon, 2.12.2007 kl. 14:40]

Í aðdraganda síðustu kosninga var reynt að ganga á Guðfinnu um pólitíska afstöðu hennar — mig minnir að það hafi einmitt verið í Silfrinu — og þá treysti hún sér ekki til þess að skilgreina sjálfa sig hægra megin við miðju, hvað þá meir. En eins og Kolbrún Halldórsdóttir benti á áðan eigum við ekki að horfa endalaust á merkimiðana. Það var málflutningur hennar þarna áðan, sem varð kveikjan að þessari athugasemd minni.

Jón Magnússon er lengra til hægri og jú, hann telst í flestum málum standa til hægri við miðju. En ekki ýkja langt.

[Jónína Benediktsdóttir (IP-tala skráð) 2.12.2007 kl. 15:07]

Fyndinn pistill!

Mundi Gudfinna eitthvad ?  Vont thegar folk missir minnid serlega folk med mikla greind.

Vont ad sja ekki Silfrid her i Pollandi.

Jon er alveg ad standa sig i morgum malum.

[Jóhannes Ragnarsson, 2.12.2007 kl. 15:40]

Svo má ekki gleyma því, að Kolbrún Halldórs og Margrét Pála eru ekki langt frá ,,miðjunni." En hvoru megin treysti ég mér ekki til að fullyrða um. En þær flokkast fráleitt til vinstrimanna. 

[Þórbergur Torfason, 2.12.2007 kl. 18:45]

Heitt er orðið í helviti þegar íhaldið er farið að afneita sínum bestu sonum og dætrum.

[Vilhelmina af Ugglas, 2.12.2007 kl. 21:51]

Egill er hrokagikkur!

Hann harðneitaði að samþykkja mig sem bloggvinkonu á mogga blogginu. Hvað er hægt að segja um svona menn?

Ekkert gott!

[K Zeta, 3.12.2007 kl. 00:11]

Hvar er að finna hægrimenn í Sjálfstæðisflokknum fyrir utan Pétur Blöndal?

[Guðný Ösp (IP-tala skráð) 3.12.2007 kl. 10:38]

Ég á ekki til orð.

Guðfinna er svo sannarlega hægra megin við miðju.

Það mætti draga þær ályktanir af þessum pistli þínum að þú værir einn af þessum karlrembum með hinar einu réttu "bláu" skoðanir.

Eða ertu að gefa það í skyn að einungis karlmaður í sjálfstæðisflokknum gæti verið talsmaður ykkar í þáttum á borð við þá sem hann Egill stýrir.

Og útskýring þín fyrir þessum ummælum þínum eru að hún Guðfinna hafi ekki haft orð á hlutunum eins og þú hefðir viljað sjá hana gera !

þú, með fullri virðingu, ert það sem ég vil kalla karlrembu og hrokagikk af "bláustu" sort.....

[Anna Benkovic Mikaelsdóttir, 3.12.2007 kl. 13:25]

Jón kann ekki að HLUSTA! En hann var svo sannarlega öfgahægrimönnum á vinstri hönd Egils...vonandi eru ekki til meiri öfgar á hægrivísu?

[Daníel (IP-tala skráð) 3.12.2007 kl. 20:29]

Ég veit ekki betur en að Guðfinna sé þingmaður Sjálfstæðisflokksins, Jón Magnússon fyrrverandi Sjálfstæðismaður sem yfirgaf flokkinn vegna þess að hann var ekki nógu langt til hægri og hvergi komast Sjálfstæðismenn í meirihluta án þess að Margrét Pála fari að reisa þar leikskóla á sérstöku tilboði frá sveitarfélaginu. Þarna teljast mér til að séu a.m.k. 3 hægrimenn af 5! Kolbrún er vissulega vinstra megin en Aðalstein kann ég ekki að staðsetja.

[K Zeta, 9.12.2007 kl. 02:56]

Margrét Pála er íhaldsmaður án þess að vita af því.  Kannski eins gott að staðsetja góðar hugmyndir hvergi í pólitík því þá fer fólk að setja sig á móti án málefnalegs skilnings.

[Hlynur Jón Michelsen, 9.12.2007 kl. 12:17]

Innlit á þessum góða degi

[Guðmundur Jóhannsson, 10.12.2007 kl. 03:53]

Andrés alltaf góður, af hverju eru Feministar alltaf svona æstir útaf littlu.  Er ekki kominn tími á að þeir breyti baráttuaðferðum sínum, sjaldan hef ég fengið annan eins kjánahroll eins og um daginn þegar þjóðþingið var farið að tala um liti á fötum hvítvoðunga.  "Kommon" femínistar, sýnið nú karlmannin í ykkur og hættið þessu holtaþokuvæli, þessar aðferðir eru bara broslegar.  Konan er bara æðisleg og stendur manninum framar í flestu, (nema þegar hún talar niður til kynsystra sinna)

Góðar stundir og svefn

[Gísli Hjálmar , 24.12.2007 kl. 11:36]

 

Ég vil óska þér og þínum gleðilegra jóla og gæfuríks komandi árs. Jafnframt þakka ég skemmtileg bloggviðkynni á árinu sem er að líða ...

kv, GHs