Skoðanahannanir og fals í fjölmiðlum

Mér fannst hún soldið merkileg fréttin um að Guðlaugur Þór Þórðarson hafi ekki einu sinni náð meirihlutafylgi í eigin kosningakerfi, þessari rómuðustu kosningamaskínu landsins. Samkvæmt stuðningsmönnum Gulla eru þeir aðeins að fá jákvæð svör frá 45% þeirra, sem hringt er í. Ekki finnst mér það nú til þess að senda út fréttatilkynningar um.

Í dag átti ég leið í kosningamiðstöð Illuga Gunnarssonar úti á Fiskislóð, en ég styð hann í 1. sætið í prófkjöri sjálfstæðismanna í Reykjavík. Í ljósi „fréttarinnar“ um þessa „könnun“ úthringivers Guðlaugs Þórs spurðist ég fyrir um hvernig svör Illugamenn væru að fá um stuðning í 1. sætið í sínum úthringingum. Það er skemmst frá því að segja að samkvæmt þeirra tölfræði ætla 96% viðmælenda þeirra að kjósa Illuga í fyrsta sætið, 2,7% vilja Geir Hallgrímsson en tveir nefndu Gunnlaug Þór Þórðarson, sem mér vitanlega er ekki í framboði.

Grínlaust þá skil ég ekkert í að fjölmiðlar skuli birta svona „frétt“. Sporðrennir Moggi hvaða þvaðri sem er og endurbirtir gagnrýnislaust? Hér er ljóslega ekki um skoðanakönnun að ræða, heldur einhverja statistík frá símsölufólki, sem engin leið er að staðfesta til eða frá, en er snikkuð til og látin líta út eins og frétt um eitthvað allt annað. Sumsé fals. Eyjan hafði þó fyrir því að birta viðbrögð Illuga og nefndi hina sérkennilegu aðferðafræði í fyrirsögn. Vísir birti hins vegar villandi frétt um að stuðningsmenn Guðlaugs Þórs hafi „látið framkvæma könnun“ líkt og þar hafi hlutlaust könnunarfyrirtæki komið að, en bæði þar og á mbl.is var nefnt svona í framhjáhlaupi að „könnunin“ hafi verið gerð „fyrir stuðningsmenn Guðlaugs Þórs af úthringihóp á vegum framboðs Guðlaugs Þórs“. Sumsé af símaveri hans, sem er miðverkið í kosningamaskínu hans!

Stuðningsmenn Guðlaugs segja hann hafa forystu

Athugasemdir

[JR (IP-tala skráð) 13.3.2009 kl. 22:07]

Andres.

Það hringdi í mig maður í dag og sagðist vera frá framboði ,,G9" í sjálfstæðisflokknum og sagðist vera með skoðannakönnun !  Yfirleitt þá segi ég fólki , sem er að hringja til mín vegna kannanna, að ég vilji ekki taka þátt í slíku.  En forvitnin í mér sagði að þarna væri eitthvað í gangi, sem mig langði að vita meira um.  Því spurði ég viðkomandi hvað ,,G9"  merkti ?  Jú, þetta er fyrir þá sem styðja Illuga ! Þá sprakk ég í símanum og fór að hlægja og viðmælandin skellti á .

Segðu mér , hvað er í gangi ?

Hvers vegna ,,G9"  og hvað er það ?

[Ólafur Sveinsson (IP-tala skráð) 13.3.2009 kl. 22:15]

Enginn tími til rökstuðnings:

Íslenska þjóðinn er mikið betur á komin með Illuga en Borgarnestrúðinn.

Maður eins og Illugi,í öðrum stjórnmálaflokk en ég,samstarfshæfur,vel kvæntur og trúverðugur. Ágætlaega menntaður og reynslur ríku, er betur hæfur.

[Ár & síð, 13.3.2009 kl. 22:26]

Ekki segja mér að það komi þér á óvart að Mogginn birti þvaður um pólitík!
Matthías

[Heimir Lárusson Fjeldsted, 14.3.2009 kl. 11:15]

Örvænting óheiðarleikans.

[H.Pétur Jónsson (IP-tala skráð) 14.3.2009 kl. 12:03]

Andrés minn hættu þessu tuði um einhverjar skoðanakannanir,það er hringt látlaust í mann og það bregst ekki að það eru vinir þínir úr sjálfseyðingarflokknum sem eru að hringja,þeir fá eingin svör frá mér,ég er á móti skoðanakönnunum 2 mánuðum fyrir kosningar eins og hjá siðmenntuðum þjóðum.

En aftur á móti verður flokkurinn þinn seint talin til siðmenntaðra flokka og ætti að taka sér langt frí frá pólitík svo þjóðin geti unnið sig út úr vandanum,ekki gerir hún það með sjálfeyðingarflokkinn í forustu eða þá með Guðlaug innanborðs. 

[Andrés Magnússon, 14.3.2009 kl. 15:26]

JR: Ég átta mig ekki á því í hvaða úthringingu þú hefur lent í, en fullyrði að enginn hefur hringt út á vegum Illuga undir dulnefni á borð við G9. Var X9 ekki spíon á myndasögusíðu Moggans til forna? Ég veit þó að einhverjir andstæðingar hans hafa keppst við að bendla hann við Glitnis sjóð 9, þannig að máske það sé tengingin. Flugfélagið SAS kann að eiga svör við því.

Ólafur: Ég er þér sammála um mannkosti Illuga og gæti nefnt nokkra aðra til.

Matthías: Nei, það gerir það ekki.

Heimir: Ég held þú hittir naglann á höfuðið um örvæntinguna. Að þetta hafi verið tilraun til þess að gera eitthvað frekar en ekkert á síðustu metrunum.

H. Pétur: Ég hef ekkert á móti heiðarlegum skoðanakönnunum fyrir kosningar, en sé mönnum uppsigað við þær er auðvelt að sniðganga þær. Neiti nógu margir að svara munu þær missa marks. Urrið um að Sjálfstæðisflokkurinn sé á einhvern hátt einstakur gagnvart siðmenningunni dæmir sig sjálft.

[H.Pétur Jónsson (IP-tala skráð) 14.3.2009 kl. 17:06]

Andrés minn ég ætla ekki að urra á þig í þetta sinn og ég skil ekki hvað þetta fer fyrir brjóstið á þér með siðmenninguna í sjálfstæðisflokknum.

Það er voðalega gott að vera bara í afneitun á sannleikann en þetta er allt í lagi, sjálfstæðisflokkurinn dæmir sig sjálfur og gleymist vonandi í þeirri mynd sem hann var,vonandi að hann egi eftir að breytast til batnaðar kannski hefur hann tíma núna til að endurskoða sig,því vonandi verður hann ekki í forustu næstu kjörtímabil