Neysluréttur og eignaréttur

Ég sá á Vísi haft eftir Arnari Birgissyni hústökumanni, að í sínum huga skipti „eignarétturinn minna máli en neyslurétturinn.“

Þetta er merkileg skoðun. Má ekki einmitt færa fyrir því sterk rök að upphaf óhamingju Íslands hafi verið hvernig sumir töldu sig hafa öðlast neyslurétt en höfðu minni áhyggjur af eignarréttinum?

Athugasemdir

[Jóhann (IP-tala skráð) 16.4.2009 kl. 00:11]

Mér þykir þú kryptískur.

Ertu með spádóma?

[Sigurður Haukur Gíslason, 16.4.2009 kl. 01:36]

Ég á tjald niðrí geymslu sem ég hef ekki notað lengi. Spurning hvort nágranni minn taki það með sömu rökum.

[bjkemur (IP-tala skráð) 16.4.2009 kl. 08:52]

Arnar þessi Birgisson er ekkert annað en ómerkilegur anarkommúnistakisti. Vitleysingur sem sækist eftir athygli. Það hlustar enginn af alvöru á þessa þvælu sem vellur út um þverrifuna á svona fólki.

[Stefán Benediktsson (IP-tala skráð) 16.4.2009 kl. 09:32]

Þá hefðu þeir átt að kalla félögin neysluhaldsfélög en ekki eignarhaldsfélög.

[Sigurður Þór Guðjónsson, 16.4.2009 kl. 11:06]

Hvílíkur rokna vitleysingur og hugleysingi er þessi nafnlausi bjkemur.

[Tinna Gunnarsdóttir Gígja, 16.4.2009 kl. 12:48]

Ég held reyndar að þetta sé öfugt. Allt var falt fyrir nógu mikla peninga - meira að segja vatnið á Snæfellsnesi - og 'eigendur' fengu að gera hvað sem var í skjóli hins heilaga eignarréttar.

Fólk sem hraktist úr húsum sínum vegna siðlausra aðferða verktaka gat ekkert gert, vegna þess að verktakarnir áttu jú íbúðina við hliðina og máttu gera það sem þeir vildu. 

Eignarrétturinn hefur alltaf verið heilagur þeim sem mest eiga. 

[bjkemur (IP-tala skráð) 16.4.2009 kl. 12:49]

@Sigurður Þór. Af hverju ferðu nú ekki heim til hans nafna þíns hérna ofar og sækir tjaldið hans, þinn neysluréttur er væntanlega ofar hans eignarrétti?

[Sigurbjörn Sveinsson, 16.4.2009 kl. 13:29]

Þetta er ekki góð hugmynd. Þetta með tjaldið og Sigurð Þór. Hann er nýfluttur. Lenti í meidjör vandræðum með nettenginguna og komst ekki samband nema á kaffihúsum milli bolla. Komst ekki í lag fyrr en netheimar loguðu og flótti var brostinn í liðið hjá símafyrirtækinu.

Nei, ekki aftur. Ekki leggja þetta til. Plís!

[Hildur Helga Sigurðardóttir, 16.4.2009 kl. 16:55]

Það böggar mig alveg rosalega, að nokkrir framtakssamir krakkar skuli taka yfir niðurnýtt "Slumlord -Mansíon", hreinsa þaðan út sprautunálar, þrífa og ditta að.   Þvílík atlaga að öllu sem heilagt er

[Ragnhildur Kolka, 16.4.2009 kl. 21:56]

Ég held að okkar ylhýra vefjist stundum fyrir í bloggheimum Andrés, en þú hittir naglann lóðbeint á höfuðið.