Leita í fréttum mbl.is

Tímaþjófar á þingi

timathjofar

Hvað er eiginlega að þessu liði?

Ísland er á hraðleið til Helvítis, m.a. fyrir þeirra atbeina, og þá telur það þarfast að eyða tíma þingsins í bollaleggingar um það hversu vel fólk klæðir sig í vinnunni!

Brýnasta málið í þeirra huga (sem mátti ekki einu sinni bíða þess að þing kæmi saman) var að fá það afdráttarlaust fram að þingmenn þyrftu ekki að vera með hálstau. Og hvað er svo fyrsta frumvarpið, sem fram kemur? Jú, að það verði að sjá til þess að dansmeyjar á veitingastöðum séu betur klæddar.

Af framgangi þessa máls má mæla það hversu mikil alvara er í þingheimi um að leysa landslýð undan ógnvænlegum efnahagsþrengingum. Geira á Goldfinger og kollegum hans gef ég hins vegar þetta ráð: Látið dansmeyjarnar fara úr hverri spjör… nema einni. Látið þær halda hálsbindinu.

— — —

Ég skora á kjósendur að leggja nöfn þessara ódáma á minnið, svo það sé unnt að hafna þeim í prófkjörum, forvölum eða alþingiskosningum, sem máske eru skemmra undan en margur hyggur. Þetta er lýðurinn, sem kýs að eyða tíma þingsins í tilgangslaus gæluverkefni:

Atli Gíslason

Ásta R. Jóhannesdóttir

Birgitta Jónsdóttir

Eygló Harðardóttir

Ragnheiður Ríkharðsdóttir

Siv Friðleifsdóttir 

Steinunn Valdís Óskarsdóttir

Þórunn Sveinbjarnardóttir

Þuríður Backman

Burt með þau! 

 


mbl.is Vilja banna nektarsýningar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Ég held að eina nafnið sem maður þurfi að leggja á minnið og jafnvel varast í framtíðinni sé þitt fyrir þennann ótrúlega pistill þinn. Aftur á móti hafa nokkrir  á þessum lista þínum vaxið mikið í áliti hjá mér, t.d. framsóknarkonurnar Siv og Eygló en maður hafði nú heilmikið álit á hinum konunum á listanum og Atli Gísla er enn einu sinni að sýna það og sanna að hann er alvöru kvennmaður og sannur feministi - flottur kall :o)

Ármann Hákon Gunnarsson (IP-tala skráð) 21.5.2009 kl. 10:17

2 Smámynd: Andrés Magnússon

Atli Gíslason er ekki alvöru kvenmaður. Held ég.

Andrés Magnússon, 21.5.2009 kl. 10:56

3 identicon

Þetta er merki um algjört rökþrot stjórnmálamannanna gagnvart vandanum.

Þeir hafa engar lausnir til að leysa þau risavöxnu vandamál sem blasa við íslenzka þjóðfélaginu.
Það er verið að beina athyglinni frá því sem skiptir máli með einhverjum skrípalátum.

Næsta frumvarp verður kannski að menn eigi að vera í bleikum sokkum á mánudögum og bláum á fimmtudögum!

Það má líkja þessu við skipstjóra á sökkvandi skipi sem gefur mannskapnum skipun um að skúra dekkið í stað þess að manna dælurnar.

RagnarA (IP-tala skráð) 21.5.2009 kl. 11:30

4 Smámynd: Andrés Magnússon

…og rotturnar þverneita að yfirgefa skipið.

Andrés Magnússon, 21.5.2009 kl. 11:52

5 Smámynd: Björn Jónsson

Mikið held ég að það yrði nú dásamlegt að búa hér ef allir þessir ISTAR kæmu sér saman um stjórnunaraðferð til að stjórna öllu hér.

Þetta hafa KommunISTAR reint að gera, með áróðri í gegnum allt skólakerfi sitt .

Nú ráða systursamtök FeminISTA í flestum Muslimaríkjum, þe MuslemISTAR. Þar er jafnrétti í hávegum höfð, eða hvað ?

Og að lokum, er einn Ladyboy á alþingi ???

Björn Jónsson, 21.5.2009 kl. 12:03

6 Smámynd: Egill M. Friðriksson

Þú hlýtur þá að vera ánægður með að þingmenn eins og Sigurður Kári hafi ekki komist aftur á þing en hans fyrsta mál eftir jólafrí á Alþingi var að bera fram frumvarp um sölu á áfengi og léttvíni í matvöruverslunum.

Egill M. Friðriksson, 21.5.2009 kl. 13:19

7 identicon

Bíddu, af hverju er þetta ekki alvöru mál? Af hverju má ekki ræða það eins og önnur, nú þegar meiri líkur eru á því - í alheimskreppu - að konur séu fluttar mansali á milli landa? þegar eru meiri líkur á að konur séu misnotaðar stöðu sinnar vegna? Þetta snýst ekki um Geira á Goldfinger neitt sérstaklega, hvað þá að þetta hafi eitthvað um bindi að gera. ´

Þú mátt svo sem halda áfram að gera lítið úr málinu með því að þykjast telja að það fjalli um hversu vel fólk klæðir sig í vinnunni. En þú ert klárari en það og veist betur, á einhverjum punkti fannst þér bara líkingin fyndin. Þess vegna er pistill þinn bara enn sorglegri fyrir vikið.

svanborg (IP-tala skráð) 21.5.2009 kl. 13:40

8 identicon

Egill.  Það er betra að fara rétt með þegar fjallað er um málin. Sigurður Kári lagði málið sitt fram löngu fyrir jólafrí.  Mál sem honum finnst mjög mikilvægt, miðað við að hann lagði það fram mörg þing í röð. Fremur undarnlegar áherslur hjá honum.  Það var hins vegar forsætisnefnd þingsins sem setti dagskrána saman og hafði þetta mál með þeim fyrstu á dagskrá eftir jólafríið.  Forsætisnefndin virðist samt lítið hafa lært síðan þótt þar sé nýtt fólk, því sambærileg mál voru á dagskrá í gær, í stað þess að fjalla um vandann. Og svo er bara tekin löng helgi í góða veðrinu, frí hjá þinginu á morgun.

Konni (IP-tala skráð) 21.5.2009 kl. 14:06

9 identicon

...og til að bæta við hjá Konna þá bað Sigurður Kári sjálfur um að málið yrði tekið af dagskrá þegar til átti að taka eftir jól.

Tómas Örn (IP-tala skráð) 21.5.2009 kl. 15:18

10 identicon

Við hverju er að búast af vanhæfu fólki?
engu

DoctorE (IP-tala skráð) 21.5.2009 kl. 16:19

11 identicon

Þetta lið gengur ekki á öllum.  Næst verður það lög um pilsasídd og bíkinibann í sundstöðum. 

Guðmundur Gunnarsson (IP-tala skráð) 21.5.2009 kl. 18:37

12 Smámynd: ThoR-E

Óþarfi að draga Birgittu inní svona gagnrýni ... hún hefur verið á þingi í 10 mínútur og tók undir þetta ... því það segir sig sjálft að svona hégómi er bara úreltur.

Birgitta, ásamt 2 samþingmönnum sínum (tek ekki eiginhagsmunasegginn Þráinn Bertels með) eru okkkar helsta von á alþingi og fagna ég komu þeirra þangað mikið og veita þau þrjú mér mikla öryggistilfinningu ... þau munu veita fjórflokkunum aðhald.

Vissulega eru einnig góðir þingmenn á meðan VG og Samfylkingar.

ThoR-E, 21.5.2009 kl. 18:40

13 identicon

Svanborg,

   Þú ert gott dæmi um algjörlega rökþrota manneskju!

   Rökleysið það lekur af þér. 

   Hræsnin hjá þessu fólki er algjör. Þetta er svo dæmigert aumingjamál, sem er síðan notað á hina aumingjana, sem kjósa þessa aumingja sem eyða tíma og peninga okkar þjóðarinnar í þetta!

  Hvað verður það næst?? 

Jóhannes (IP-tala skráð) 21.5.2009 kl. 18:44

14 Smámynd: ThoR-E

ps.

 tek samt undir að hitt liðið sem þú telur upp ... úff veit ekki hver kaus þessi flón.

ThoR-E, 21.5.2009 kl. 18:47

15 Smámynd: Heiða B. Heiðars

Hálstausmálið varði í korter og var fyrir þingsetningu Andrés

Vertu sanngjarn í gagnrýninni. Að öðru leiti er ég algjörlega sammála þér og finnst furðulegt að sóa dýrmætum tíma

Vildi óska þess að það væri bara unnið þverpólitískt að því að finna leiðir til að koma okkur á fæturnar á ný

Heiða B. Heiðars, 21.5.2009 kl. 18:58

16 identicon

Merkilegt að frjálshyggjumenn ákalli ríki og þing þegar þjóðin er á leið til heljar. Hélt að þeir væru þeirrar skoðunar að ríkið þvældist bara fyrir, frjálsir einstaklingar myndu leysa málin og best væri að ríkið héldi sig algerlega til hlés. Og svona til að halda hlutum til haga þá finnst mér klámvæðing samfélagsins ekkert smámál og ég vona að landsmenn leggi nöfn þingmannanna á minnið og verðlauni þau fyrir pólitískt hugrekki í næstu kosningum. Ég er ekki sammála þeim Atla og Sif um margt, en ég tæki hattinn ofan fyrir þeim, ef ég ætti hatt!

GH (IP-tala skráð) 21.5.2009 kl. 20:30

17 identicon

Vel mælt Andrés,

þetta er nákvæmlega það sem þetta lið er að fókusera á þessa dagana, meðan allt brennur.

Að bjóða landsmönnum uppá þetta ,

ógeðslegt ."

Magnús Guðmarsson (IP-tala skráð) 21.5.2009 kl. 23:00

18 Smámynd: drilli

Sammála um tímasóun með þessu máli. En listinn yfir þjófana er miklu miklu lengri. Hvað með blöðruseli og bullara sem stálu enn meiri tíma með þriggja vikna málþófi. Eru þeir gleymdir ?

drilli, 26.5.2009 kl. 09:29

19 Smámynd: Bjarni Kjartansson

Þetta lið virðist vera gersamlega firrt og galið.

Ekki svo að skilja, að okkar lið hafi verið að standa sig neitt frábærlega í umræðum um efnahagsmál eftir kosningar.  Lögðu mest í a ð tala gegn fyrningu á aflaheimildum og þjóðareign á auðlindum.

Ef okkar lið ekki fer að skilja, að svona verður Flokkurinn minn ekkert nema 15% flokkur eða minni, verður ekkert 90 ára afmæli.

Mibbó

Bjarni Kjartansson, 26.5.2009 kl. 11:42

20 Smámynd: Héðinn Björnsson

Það er ekki tíma sem skortir á þing heldur áræðni. Ástæða þess að ekki hefur verið tekið á heimilskuldavandanum, t.d. er ekki vegna þess að svona frumvörp voru að þvælast fyrir, heldur vegna þess að ekki hefur tekist að sannfæra meirihluta þingmanna um hvaða leið skuli farin. Á sama hátt með bankana en það er enn í vinnslu hvernig eigi að standa að rekstri þeirra og hvert framtíðarumgjörð þeirra eigi að vera. Þetta er vinna sem fer fram af efnahagssérfræðingum flokkanna og sama á við um fjárlagaramman og með fullri virðingu fyrir þessum þingmönnum eru þau varla í þeim hóp. Það er því erfitt að sjá að frumvarp þetta tefji á nokkurn hátt endurreisnarstarfið á þingi.

Héðinn Björnsson, 2.6.2009 kl. 11:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Andrés Magnússon
Andrés Magnússon
blaðamaður á Englandi ritar hér fréttir, fróðleik og hugleiðingar, sem ekki rata á prent.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband