Nýja skjaldarmerkið

Þrátt fyrir að ríkisstjórn Íslands hafi tilkynnt að nýr varnasamningur við Bandaríkin væri meira en fullnægjandi til þess að tryggja öryggi lands og lýðs þurfti norska ríkisstjórnin ekki annað en að ræskja sig á síðum Morgunblaðsins til þess að hin íslenska flýtti sér að hafa samband og óska eftir viðræðum um varnasamstarf ríkjanna. Og til þess að bíta höfuðið af skömminni var herveldið Danmörk dregið inn í viðræðurnar! Finnst mönnum reynslan af varnasamstarfi ríkjanna á öldum áður hafa verið með þeim hætti að ástæða sé til þess að endurnýja það? Aðeins 62 árum eftir að Ísland endurheimti sjálfstæði sitt? Ekki mér.

En fyrir áhugamenn um að Ísland gerist fylki í Noregi — hverjum verður boðin jarlstign núna? — má benda á hið nýja skjaldarmerki, sem sjá má hér að ofan, en einnig geta menn lagt leið sína á Cafépress til þess að kaupa margvíslegan varning merktum hinu nýja skjaldarmerki. Þar hljóta menn að finna jólagjöfina í ár. 

Athugasemdir

[Teitur (IP-tala skráð) 12.12.2006 kl. 10:42]

Ég er sammála.  Það er algerlega óþolandi að ímynda sér að hér sé til staðar danskur her.  Fullkomlega óþolandi hugmynd.  En Andrés.  Væri bara ekki best að hafa ekki neinn her og treysta á vera okkar í NATÓ dugi barasta?

 Það vantar náttúrulega alla óvini ef maður á að segja eins og er...

[Andrés Magnússon, 12.12.2006 kl. 12:28]

Mér finnst það engan veginn nóg; annars vegar vegna þess að þó að baktrygging kunni að felast í því væri hægt að vinna óbætanlegan skaða hér á landi áður en bandamenn okkar í NATO næðu að skakka leikinn og hins vegar vegna þess ég óttast að NATO sé að missa móðinn, eins og ég hef skrifað um á öðrum stað.

[Gunnlaugur Ólafsson (IP-tala skráð) 14.12.2006 kl. 23:17]

Vinur sæll. Þínar athugasemdir eru allgjörlega lausar við þann veruleika sem er til umræðu. Málið snýst ekki um pólítíska stjórnun Ísland sfrá Kaupmannahöfn heldur varnir landsins, hvort bandaríkjamenn, danir, norðmenn, úngverjar eða bretar geta aðstoðað okkur á þessu sviði skiptir engu máli.

NATO er okkar vinur og mundu öll lönd sem í þeim samtökum eru koma okkur til hjálpar ef svo þyrfti. Látum okkur segja að einhver ræðst á Ísland (hver, hvar og hvaðan skiptir ekki máli), og norski flotinn væri sá herstyrkur sem væri nálægst okkar ströndum, mundir þú frekar vilja bíða eftir kananum, því þú ert hræddur við það sem gerðis fyrir 740 árum síðan?

Ég játa því að sga er mikilvæg en að halda í 740 ára gamla fordóma er svolítið langdreigið.