Kvartmilljón á mann!

Það rifjaðist upp fyrir mér að í aðdraganda borgarstjórnarkosninga árið 2006 var það eitt kosningaloforða Björns Inga Hrafnssonar, að rétt væri að söluandvirði 45% eignarhluta Reykjavíkur í Landsvirkjun rynnu beint í vasa eigendanna, borgarbúa sjálfra. Um það sagði hann meðal annars í forsíðufrétt, sem ég skrifaði hinn 19. maí 2006:

Það ríkir enginn verulegur ágreiningur um það, að óskynsamlegt sé fyrir Reykjavíkurborg að standa í uppbyggingu tveggja samkeppnisfyrirtækja á orkumarkaði, Orkuveitu Reykjavíkur (OR) og Landsvirkjunar,“ sagði Björn Ingi aðspurður um hvort hann vildi einkavæða OR. „Ég tel að OR eigi áfram að vera í samfélagseigu og að það eigi að efla hana. En við höfum ekkert við 45% óvirkan eignarhlut í Landsvirkjun að gera, fyrirtækis, sem er í samkeppni við OR.

Þetta hlaut víða góðar undirtektir, en ekki meðal samstarfsmanna hans í borgarstjórn. Sjáum til hvort Svandís Svavarsdóttir vill taka það upp í hinni nýju og nútímalegu stefnu, sem henni hefur verið falið að móta. Mér sýnist að hún sé opin fyrir hverju sem er þessa dagana.

Björn Ingi er vanur að klára þau mál, sem hann tekur að sér fyrir umbjóðendur sína. Mér sýnist að hann  hafi síður en svo gefist upp á því að losa fast fé úr orkugeiranum. Hann ákvað bara að gefa þá annað.

Athugasemdir

[Guðmundur Sigurðsson (IP-tala skráð) 14.10.2007 kl. 01:21]

Andrés, það er eins og þér hafi yfirsést að allt starf hjá Orkuveitunni hefur verið unnið undir forystu Sjálfstæðisflokksins það sem af er kjörtímabilinu og því fráleitt að kenna Framsókn um allt sem aflaga hefur farið.

Ef ákveðið hefur verið að gefa einhverjum peninga OR, þá er það undir forystu félaga þinna í borgarstjórnarflokki Sjálfstæðisflokksins.

Þessi uppákoma sem varð í borgarstjórninni er ótrúlegt klúður Sjálfstæðismanna sem útilokað er að hægt sé að kenna Birni Inga um. 

Þessi klaufaskapur flokksins mun kosta nokkra borgarfulltrúa pólitíkst líf. Nokkuð klárt er að Vilhjálmur Vilhjálmsson og Gísli Marteinn Baldursson séu búnir að vera. Óvíst er með Hönnu Birnu Kristjánsdóttur en ýmislegt sem bendir til að hún muni ekki kempa hærurnar í pólitík. Ef Þorbjörg Helga Vigfúsdóttir er heppin mun hún sleppa frá þessu, en aðeins ef hún er sérlega heppin.

Það er Því afar sérkennilegt hve bloggarar Sjálfstæðisflokksins leggjast fast á árar um að sverta Björn Inga. Þið gerið ykkur ótrúverðuga með þessu móti.

[Jóhann Páll Símonarson, 14.10.2007 kl. 12:20]

Heill og sæll Andrés.

Ég tek undir með þér enda eitraður pistill fyrir framsóknarmenn. Það mun koma betur í ljós síðar. Björn Ingi hefur líka svikið okkur Grafavogsbúa varandi að Sorpa kæmi aftur í Grafavog sem vinur hans Alfreð seldi vinum lóðina undir iðnaðarhúsnæði  sem Sorpa hafði til umráða. Það er mín skoðun að framganga Björns Inga mun þurrka út framsóknarflokkinn.

Jóhann Páll Símonarson.  

[Stefán Guðmundsson (IP-tala skráð) 14.10.2007 kl. 17:42]

Sæll Andrés

Ég veit ekki til þess að orkuveitan hafi verið að losa um nána fjármuni með þessum samruna, þannig að ég get ekki séð samhengið í þessu hjá þér. Hins vegar er Orkuveitan að fjárfesta til framtíðar til þess að geta skilað til borgarbúa arði síðar meir, í stað þess að selja þetta á slikk núna eins og sjálfstæðismenn vilja. Þurfa sjálfstæðismenn ekki að selja eignarhluta Landsvirkjunar í Hydrocraft invest (sameiginlegt fyrirtæki Landsvirkjunar og Landsbankans) í einum grænum (og á brunaútsölu eins og þeim einum er lagið í einkavæðingu ríkisfyrirtækja), það er ekki hægt að vera að stunda svona áhættu rekstur með fé almennings svo ekki sé talað um Landvirkjun sjálfa. Það er ótrúlegt að heyra málfluting sjálfstæðismanna um þessar munir og óhætt að segja að þeir stígi nú ekki í vitið þessa dagana.

Kv. Stefán Guðmundsson

[Jóhann Páll Símonarson, 14.10.2007 kl. 20:14]

Heill og sæll Andrés.

Þetta er alveg með ólíkindum hvernig þessi skrif þín berast út þegar gamall refur úr Skagafirði ryðst fram á ritvöllinn og reynir að verja pabba strákinn hann Björn Inga í þessu Orkuveitu máli.

Hvað segir þú um að gögnin voru á ensku sem voru kynnt fyrir stjórnarmönnum finnst þér það eðlilegt hvernig Björn Ingi kemur fram með þessum hætti? og ekki sæmandi nokkrum að koma svona fram við borgarbúa. Enda er það þjóð þekkt hjá framsóknarmönnum að svo sé. Það þíðir ekkert fyrir þig Stefán að kenna öðrum um gerðir ykkar sem þið hafið staðið fyrir.

Jóhann Páll Símonarson.