21 milljarði fargað

Hvílíkt fánýti.

Athugasemdir

[Haukur Nikulásson, 12.3.2008 kl. 11:20]

Þú mátt ekki mála þetta svona svart Andrés. ESB sinnarnir vonast bara til að þetta verkefni verði flutt til Íslands með öllum hinum feitu styrkjunum sem við eigum að fá fyrir aðildina.

[Elías Halldór Ágústsson, 12.3.2008 kl. 12:48]

Oft ratast kjöftugum satt á munn.

Á  ráðstefnunni Nordunet 97 var ákveðið að hafin skyldi norræn samvinna háskóla og bókasafna um leitarvélar, sem var kallað NWI, eða Nordic Web Index. Verkefnið var unnið af gríðarlegum metnaði og áræði til að byrja með og komst mjög fljótt af stað og varð strax besta leitarvél til að leita að efni á Íslandi og Norðurlöndunum. Einn hluti þess var hýstur hér á Háskólanetinu, í Bókhlöðunni og kom ég lítillega að uppsetningu þess.

Einu ári síðar sagði kunningi minn á IRC mér frá nýrri leitarvél á netinu sem lofaði góðu. Ég sá strax að hún var mikið betri en bæði Yahoo og Altavista, þótt hún virtist vera ein sú yfirlætislausasta vefsíða sem ég hafði séð. Það tók samt reyndar næstum tvö ár að sannfæra  alla sem ég hitti um að skipta yfir í að nota Google, og jafnvel nokkrum árum inn á 21. öldina fyrirhitti ég fólk sem ekki var búið að sjá ljósið.

Aðstandendur NWI verkefnisins sáu hins vegar ljósið mjög snemma. Þegar 21. öldin gekk í garð  voru næstum öll ummerki um Nordic Web Index horfin af netinu og leitarvélar þess orðnar að fótaskemlum í vélasölum norrænna bókasafna.

[K Zeta, 13.3.2008 kl. 22:45]

Við erum eyja á milli tveggja helstu efnahagssvæða heims og ættum notfæra okkur það til hins ýtrasta.  Hefja fríverslun við BNA og kaupa haframjölið beint í stað þess að láta sigla með það til meginlandsins, þaðan til Danmerkur sem breytir nafninu í SolGryn og margfaldar verðið.