Ísland er ekki Nýfundnaland

Hér á árum áður minntust Íslendingar stundum á örlög Nýfundnalands, en löndunum svipaði á margan hátt saman. Afskekkt fiskimannaþjóðfélög, sem fóru að losna úr viðjum nýlendustjórnar um svipað leyti, fólksfjöldi og landrými í svipuðum stærðarflokki. Fyrst og fremst minntust Íslendingar þó þess að Nýfundnalandsmenn gáfu fullveldi sitt upp á bátinn eftir verulegar efnahagsþrengingar (löngu áður en miðin þar voru þurrausin), en ríkið var einfaldlega á leiðinni í gjaldþrot þegar Bretar tóku það aftur að sér, en síðar varð það hluti Kanada.

Það sem ég vissi ekki, var að Nýfundnalandsmenn munu líka stunda þessa íþrótt, að bera sig saman við Íslendinga. Bendi á litla grein af þeim toga, meira til gamans en gagns.

Athugasemdir

[Cactus Buffsack (IP-tala skráð) 23.4.2008 kl. 20:50]

og cactus er ekki dóra takefúsa.

[Hafsteinn Þór Hauksson (IP-tala skráð) 27.4.2008 kl. 11:03]

Minnir að ég hafi einhvern tímann séð heimildamynd eftir rithöfund frá Nýfundnalandi þar sem löndin tvö voru borin saman. Niðurstaða myndarinnar var þar svipuð og í greininni sem þú vitnar til.

Reyndi að finna myndina á netinu og held að hún heiti Hard Rock and Water eftir Lísu Moore (engin tengsl við Michael að því er ég best veit).