Meinsemd í Alþjóðahúsi?

Ég hef stundum látið í ljós efasemdir um hugmyndafræði fjölmenningar, sem nagar hvað ákafast að rótum vestrænnar siðmenningar og ég tel raunar hvíla á siðlausri afstæðishyggju, þar sem allt er lagt að jöfnu. Með þeim afleiðingum að ekkert er í raun nokkurs virði. Flestir talsmenn hennar tala öruglega í góðri trú, en þeir finnast þó líka sem tala fyrir henni í andstyggð á vestrænum viðhorfum.

Hér á landi er Alþjóðahúsið líkast til helsti málsvari fjölmenningarhyggjunnar. Þar er líka að finna ágætt kaffihús, Kaffi Kúltúr, þar sem ýmissa alþjóðlegra strauma gætir. Þar má þó ekki reykja fremur en á öðrum kaffihúsum, sem mér finnst ástæða til þess að mótmæla í nafni fjölmenningar og skil ekkert í að starfslið Alþjóðahúss skuli ekki hafa tekið upp við löggjafann.

En hafa lesendur reynt að leita að Alþjóðahúsinu á Google? Smellið hér til þess að fara á Google og leitið að „Alþjóðahúsið“, en þá blasir við viðvörun um að vefsetur Alþjóðahúss innihaldi hættulegan hugbúnað, sem valdið geti tölvu notandans tjóni. Hvað á það að þýða?

 

Athugasemdir

[Óskar Helgi Helgason (IP-tala skráð) 28.4.2008 kl. 00:40]

Heill og sæll; Andrés !

Þarna hreyfir þú; við all séstöku máli, og ekki að ófyrirsynju. Dekur Íslendinga; við útlendinga, hvaðan sem þeir koma, og hver sem bakgrunnur viðkomandi er, er með ólíkindum.

''Fjölmenningar'' standið er ekkert sjálfgefið, hér á Fróni.

Með beztu kveðjum, úr Árnesþingi / Óskar Helgi Helgason

[Nanna Katrín Kristjánsdóttir, 28.4.2008 kl. 12:27]

Dekur íelsndinga við útlendinga, ertu að grínast Óskar?  Það er okkar hagur að það sé tekið á móti þeim og aðstoðað þá að komast inn í íslenskt samfélag. 

[Guðmundur (IP-tala skráð) 28.4.2008 kl. 13:03]

Góður - Andrés. En ég hef svo sem aldrei reykt, en mér leiðist reykingafasismi.